Iswrkou Pwtaidw - Trust God
[Bwswn Bijap 3:5-6]
Gwswmanijwng FWRBUkou bisas kalamdw. Nwngw gaoni mitinaiao borsa kalamnw nanga. Mwnfrwmbw kamaniao FWRBUkou gwswkangnanwi maodw, binw nongtargou lamakou nwngnw dintigwn.
[Gitfwr 37:3]
FWRBUniao borsa kalamnanwi gahamkou maodw, hadorao kaminanwi nonggouao gwsw hwdw,
[Gitfwr 31:14-15]
Natai angw O FWRBU, nwngniao borsa kalambai, Angw bungbai, nwngw angni Iswr. Angw oraibw nwngni akaiao dong. Angni bisarufwr arw hwswgrafwrni akainifrai angkou gohwdw.
[Gitfwr 28:7]
FWRBUa angni bwlw arw angni dahal,angw biniao borsa kalamnanwi hefajap mwnbai. Binikainw angni gwswa kusi jabai arw angw FWRBUkou mwtai konnanwi baknaigwn.
[Gitfwr 9:10]
Arw nwngni mungkou mitigrafra nwngniao borsa kalamgwn. Manwna FWRBU, nwngw gaokou naigirgrafwrkou gartara.
[Jeremia 17:7-8]
"Sabais jai mansia FWRBUniao borsa kalambai, jaia FWRBUniao aras kalam dwng. Biw dwini jingao gaijanai bifangni soman, bini rwdafra dwikongni jingao surlanggwn, ar sandung dungblabw ginw nanga, manwna bini bilaifra tajawi tagwn, ar noka hayi bwswraobw biha jingga sinw nanga, manwna biw bat hogaralaba bitai taibai tagwn.
[Gitfwr 112:7]
Biw gajri radap mwnblabw ginai nonga. Bini gwswa gwgwm jabai, manwna biw FWRBUniao borsa kalambai.
[Gitfwr 63:8]
O mansifwr, oraibw biniao borsa kalamdw! Bini mwkangao nwngswrni gwswni kwtakou bekeodw. Iswranw jwngni asroi.
[Gitfwr 13:5]
Natai angw nwngni onswnaiao borsa kalambai, obla angni gwswa nwngni basainaiao kusi jagwn.
[Gitfwr 56:3] Ginai somao angw nwngniao borsa kalamgwn.
[Gitfwr 37:5]
Gaoni tabaigwn lamakou FWRBUniao gotainanwi biniao borsa kalamdw, obla binw maofunggwn.
[Bwswn Bijap 29:25]
Mansikou ginaia mwnse fan badi, antai FWRBUkou bisas kalamnaiao basaijanai dong.
[Gitfwr 118:8]
Manwna FWRBUniao borsa kalamnaia mansifwrniao swnartnainikurwi gahamsin.
[Gitfwr 20:7]
Kaisea rotfwrao arw kaisea goraifwrao borsa kalamw, natai Jwngw gaoni Iswr FWRBUkounw mungkogwn.
[Gitfwr 31:14]
Natai angw O FWRBU, nwngniao borsa kalambai, Angw bungbai, nwngw angni Iswr.
[Jesaia 12:2]
Nai, Iswra angkou basaiw; binikainw angw borsa kalamgwn, ar sigijanai nonga; manwna Jah FWRBUa angni jor, ar angni mwtai, ar binw angni basaigra gosongbai.
[Bwswn Bijap 16:20]
Jekou nwngw Swlwngbai, gwsw hwnanwi nwngw bekou bijirtnanwi naidw, nwngw derhagwn ; FWRBU kou fwtai, nwngha gwjwnnai jagwn.
[Jesaia 26:3-4]
Jaini mona nwngniao tir tadwng, nwngw bikou usiglainai santijwng rwika kalamw, manwna biw nwngniao borsa kalambai. Oraibw FWRBUniao borsa kalam, manwna FWRBU, FWRBUanw, onjima gwiyi gwgwm ontai.
[Gitfwr 56:4]
Angw Iswrniao swnarnanwi bini bungkanai batrakou baknaigwn, arw angw gia jase Iswrniao borsa kalamgwn. Twinai gwnang mansia angkou ma kalamnw hagou?
[Gitfwr 37:4-6]
arw FWRBUkou gaoni sukni rwda hwnnanwi mitidw, obla biw nwngni gwswni sannaikou jafunghwgwn. Gaoni tabaigwn lamakou FWRBUniao gotainanwi biniao borsa kalamdw, obla binw maofunggwn. Arw biw nwngni dhwrwmiakou srangni soman arw nwngni niaifwrkou sanjufuni jwngblaonaini soman nuja hwgwn.
[Romari 8:38-39]
Nongtargouwi angw fwtaiw, bini onnainifrai munga mungseabw jwngkou bwkanw hatarnai nonga; twinai nongabla tangnaiabw, arw arfofwr nongabla nokrangni sason girifwr, nongabla mungbw bwlwanw hatarnai nonga; dabw arw fwigwn bwtwrfrabw hatarnai nonga; buhumni gojou arw buhumni singao tanaiabw Kristoni doyanifrai jwngkou bwkanw hanai nonga. Jwngni Fwrbu Kristo Jisujwng Iswrnifrai mwnnai doyanifrai jwngkou swrjijanaifwrni munga mungseabw bwkanw hatarnai nonga.
[Johon 3:16]
Manwna Iswra songsarkou esegrap onbai, biw gaoni sase lo Bicajlakou wrwinw horbai, bikou jaia fwtaigwn, biw adri janai nonga, natai jwpnw gwiyi gwtangkou mwngwn.
Thanking You